ორგანიზაციის ხელმძღვანელის, ნიკა მჟავანაძის განცხადებით, "უფლებადამცველთა გაერთიანებისთვის" კონტროლის პალატის ყოფილი მაღალჩინოსნის ნოდარ ლიპარტელიანის მიერ მოწოდებული სახელმწიფო აუდიტის დასკვნებიდან ცნობილი გახდა, რომ მთავრობის განკარგულებით ფინანსთა სამინისტრო არასამთავრობო ორგანიზაცია „სამოქალაქო ინსტიტუციალიზმის განვითარების ფონდს" ყოველწლიურად მილიონ ლარს ურიცხავდა.

არასამთავრობო ორგანიზაცია „სამოქალაქო ინსტიტუციალიზმის განვითარების ფონდის" წევრები მაგდა ანიკაშვილი და ჩიორა თაქთაქიშვილი იყვნენ, ხოლო ფონდს მაკა მეტრეველი ხელმძღვანელობდა. როგორც კონტროლის პალატის ყოფილი მაღალჩინოსანი აცხადებს, თანხის გადინება ბიუჯეტის სარეზერვო ფონდიდან ხდებოდა და თანხის გადარიცხვის საქმეში მიზნობრიობა მითითებული არ იყო.