ლიკა კიკიანის ინფორმაციით, კუს ტბაზე მომხდარი ინციდენტი სამმა კამერამ დააფიქსირა, თუმცა ამ დროისთვის ყველა ჩანაწერი წაშლილია.

კიკიანი დღეს კუს ტბაზე პროკურორებთან ერთად იყო, სადაც ვიდეომასალები დაათვალიერა.

მისი თქმით, ჩანაწერები კამერებში გუშინ 15:00 საათიდან იწყებოდა.

"გავხენით კამერები. სამწუხაროდ ვიდეო იწყება გუშინ 15:00 საათიდან. მანამდე არსებული ვიდეო არის წაშლილი. ამას ველოდი, მაგრამ მე როცა ფაქტის წინაშე დავდექი მეტად მძიმე და მტკივნეულია. მათ მე ფაქტი დამიმალეს წაშალეს და ხალხს არ აჩვენეს. არ გავჩერდები. მეორე, მეხუთე და მეექვსე კამერები დააფიქსირებდნენ თუ როგორ მაყენებდნენ შეურაცხყოფას და როგორ მცემდნენ. 2 კამერიდან მთლიანად ფიქსირდება, მოვითხოვ ამ ჩანაწერების ამოღებას", - აცხადებს კიკიანი.