შინაგან საქმეთა მინისტრი ვახტანგ გომელაური კუს ტბაზე მომხდარ ინციდენტს ეხმაურება და ამბობს, რომ შსს მზად არის საქმე პროკურატურას გადასცეს.

მინისტრს ეჭვი ეპარება, რომ ლიკა კიკიანის საქმე გენერალურმა ინსპექციამ არაობიექტურად გამოიძია.

„გენინსპექციამ მოკვლევა დაამთავრა. მე ვთხოვე, რომ ეს რაც შეიძლება სწრაფად გაეკეთებინათ. ეს მოკვლევა დაიდო. გენერალურმა ინსპექციამ ალბათ საჭიროდ არ ჩათვალა, რომ ამ კამერების ჩანაწერები ამოეღო. შესაძლოა იმ ადგილას არ იყო მომხდარი ინციდენტი ან ეს კამერები ვერ ხედავდა. დეტალებს ზუსტად ვერ გეტყვით, თუმცა ჩვენ მზად ვართ საქმე გამოსაძიებლად პროკურატურას გადავცეთ“, - განაცხადა ვახტანგ გომელაურმა.

შეგახსენებთ, კუს ტბაზე მდებარე ერთ-ერთი კლუბის მენეჯერმა ლიკა კიკიანმა ინტერნეტში ვიდეო ორი დღის გაავრცელა, სადაც ჰყვება, რომ კუს ტბის მიმდებარე ტერიტორიაზე ინციდენტის დროს პოლიციამ მას ფიზიკური შეურაცხყოფა მიაყენა. მოგვიანებით ფაქტი შსს-მ უარყო.