ამერიკელმა მსახიობმა, პამელა ანდერსონმა რუსეთის პრეზიდენტს, ვლადიმერ პუტინს საჯარო წერილი მისწერა.

წერილი, ზღვის ცხოველების უფლებების დამცველი ამერიკული არასამთავრობო ორგანიზაცია - Sea Shepherd Conservation Society-ის ვებ გვერდზე გამოქვეყნდა.

ამერიკელი ვარსკვლავი ვლადიმერ პუტინს მოუწოდებს, არ დაუშვას ვეშაპის ხორცის ტრანზიტი იაპონიაში.

რამდენიმე ხნის წინ, ისლანდიიდან იაპონიაში მიმავალი გემი დააკავეს, რომლის ბორტზეც 1 700 ტონა ვეშაპის ხორცი აღმოჩნდა. ცხოველთა უფლედამცველთა განცხადებით, ამ მარშრუტის შესასრულებლად გემებს ჩრდილოთის ზღვის გავლა მოუწევთ.

47 წლის პამელა ანდერსონმა, ცხოველების უფლებების დაცვაში შეტანილი წვლილისთის ცოტა ხნის წინ ჩერნოგორიის გრაფინიას ტიტულიც მიიღო.