უკრაინის გენერალური პროკურორის მოადგილე, დავით საყვარელიძე „ფეისბუკის“ გვერდზე დაკავებული მაღალჩინოსნების საქმეზე სასამართლოს გადაწყვეტილებას ეხმაურება და მას დაუსაბუთებულს უწოდებს.

„სასამართლომ მიიღო სრულიად უსაფუძვლო და ლოგიკას მოკლებული გადაწყვეტილება ყველა დაკავებულთან დაკავშირებით, რომელთაც გირაოს სახით 3 მილიონი გრივნა დაეკისრათ, რაც ამ დონის ხალხისთვის უმნიშვნელოა“ - წერს საყვარელიძე.

მისივე თქით, პრინციპი - მილიონების მოპარვა, მისი მეათედის გადახდა და მშვიდად ძილი უნდა გაუქმდეს, რადგან ეს სახელმწიფოსთვის დამღუპველია.

ამავდროულად, საყავრელიძე აღნიშნავს, რომ მთავარია პროცესი დაიძრა.

„კვაზისასამართლო ამას ვერ შეაჩერებს. ჩვენ არ გავჩერდებით შუა გზაზე, განვაგრძობთ მუშაობას, რათა კორუპმირებულმა ჩნოვნიკებმა ის სასჯელი მიიღონ, რასაც იმსახურებენ“ - წერს საყვარელიძე.

შეგახსენებთ, უკრაინის გენერალური პროკურატურის ოფიციალური პირები კორუფციისა და 3 მილიონ 150 ათასი გრივნის ოდენობის ქრთამის აღებისთვის დააპატიმრეს. დაკავებულთა სახლებისა და ოფისების ჩხრეკისას კი ფასიანი ქაღალდები, არარეგისტრირებული ცეცხლსასროლი იარაღი, დიდი ოდენობის თანხა და ძვირფასი ქვები - 65 ბრილიანტის ქვა ამოიღეს. გავრცელებული ინფომაციით, მაღალჩინოსნები კორუფციულ სქემას მფარველობდნენ, ქვების მომპოვებელ მეწარმეებს ფულს სძალავდნენ და მათთან შეკრული პირების თავისუფლად მოქმედებას უზრუნვეყოფდნენ.

კიევის სასამართლომ, დაკავებულ კიევის პროკურორის მოადგილეს, ალექსანდ კორნეიცს აღმკვეთი ღონისძიების სახით 3.2 მილიონი გრივნის გადახდა დაავალა. 3 მილიონი გრივნის გადახდა დაეკისრა, უკრაინის გენ პროკურატურის საგამოძიებო დეპარტამენტი თავმჯდომარის პირველ მოადგილე, ვალდიმერ შაპაკინსაც. სპეცოპერციის დროს, მაღალჩინოსნებთან ერთად დაკავებულ სამოქალაო პირს, ვალერი გიბალენკოს სასამართლომ 2.3 მილიონი გრივნის გადახდა დააკისრა.