პროკურორის, რევაზ ნადოის ინფორმაციით, ზურაბ ჟვანიას საქმეზე არსებითი საქმის განხილვა სავარაუდოდ 10 ივლისს დაიწყება.

ამის შესახებ ნადოიმ ჟურნალისტებთან საუბრისას განაცხადა.

ბრალდებულების მხრიდან უხერხულ თემაზე საუბართან დაკავშირებით ბექა ბასიალაიას განცხადებასაც გამოეხმაურა და აღნიშნა, რომ მისთვის უხერხული თემები არ არსებობს.

"მე ვარ პროკურორი და ჩემთვის არ არსებობს უხერხული თემები. ბრალდებულებმა დაარღვიეს კანონი, სამსახურებრივი დებულება და შინაგანაწესი და დაცვითი გეგმის მოთხოვნები. თავის დროზე გენინსპექციამ დადო დასკვნა, რომ კობა ხარშილაძემ და მიხეილ ძაძამიამ არაჯეროვნად შეასრულეს სამსახურებრივი მოვალეობა", - განაცხადა პროკურორმა რევაზ ნადოიმ.

ადვოკატ ბექა ბასიალაია ინფორმაციით, კობა ხარშილაძე და მიხეილ ძაძამია ნაფიც მსაჯულებთან აპირებენ თქვან, თუ რატომ მიდიოდა ექსპრემიერი ბინაში და რატომ მოითხოვა დაცვის წევრებისგან სახლში მარტო დატოვება.

შეგახსენებთ, ზურაბ ჟვანიას საქმეს ნაფიცი მსაჯულები განიხილავენ. ნაფიც მსაჯულების გასამართლება თავად ჟვანიას დაცვის წევრებმა მოითხოვეს. მჯასულების შერჩევა 6 თვის განმავლობაში მიმდინარეობდა. განაჩენი ჟვანიას საქმეზე ერთ თვეში გამოცხადდება.

გამოძიება ყოფილი პრემიერის დაცვის წევრებს სამსახურეობრივ გულგრილობას ედავება, რამაც ადამიანის სიცოცხლით მოსპობა გამოიწვია.