გლდანის #8-ე დაწესებულებაში გარდაცვლილი პატიმრის ოჯახის წევრებს თვითმკვლელობის ვერსიის არ სჯერათ. როგორც მსჯავრდებულის ოჯახის წევრები ამბობენ, მას საპატიმრო რამდენიმე დღეში საპროცესო გარიგების საფუძველზე უნდა დაეტოვებინა.

პატიმრის ოჯახის წევრები მკვლელობის ვერსიაზე საუბრობენ.

„ბევრი კითხვის ნიშანი გვაქვს და გვინდა, რომ გამოძიება გამჭირვალედ ჩატარდეს. 33 წლის ბიჭი სრულიად ჯანმრთელი იყო... მეუღლეს სამი დღის წინ ელაპარაკა და მომავალზე ფიქრობდა და ის თავს ჩამოიხრჩობდა?“, - ამბობენ გარდაცვლილის ოჯახის წევრები.

გლდანის #8-ე დაწესებულებაში გარდაცვლილი პატიმარი გვიან ღამით გადაასვენეს საკუთარ სახლში ზუგდიდში.

შეგახსენებთ შემთხვევა გუშინ მოხდა. სასჯელაღსრულების სამინისტროს ინფორმაციით, პატიმარმა თავი საპირფარეშოში ჩამოიხრჩო.