სასჯელაღსრულების სამინისტრო პატიმრის თვითმკვლელობასთან დაკავშირებით განცხადებას ავრცელებს.

„7 ივლისს 15:46 წუთზე სასჯელაღსრულების N8 დაწესებულებაში ბრალდებულის გარდაცვალების ფაქტი დაფიქსირდა. 1980 წელს დაბადებულმა დ.თ.-მ, რომელიც განთავსებული იყო 6-კაციან საკანში, საპირფარეშოში, წინასწარი მონაცემებით , სუიციდი განახორციელა. გარდაცვლილი ბრალდებული თანასაკნელებმა აღმოაჩინეს.

ფაქტზე დაწყებულია გამოძიება სსკ-ის 115-ე მუხლით. მიმდინარეობს სასამართლო- სამედიცინო ექსპერტიზა.

გარდაცვალების ფაქტი ეცნობა მოცემული ბრალდებულის ოჯახის წევრებს.

შემთხვევის ადგილი უკვე დაათვალიერეს სახალხო დამცველის ოფისის წარმომადგენლებმა. სასჯელაღსრულებისა და პრობაციის სამინისტრო ღრმა მწუხარებას გამოთქვამს და სამძიმარს უცხადებს გარდაცვლილის ოჯახს“, - ნათქვამია განცხადსებაში.