საბერძნეთის კრიზისთან დაკავშირებით, ევროჯგუფის ლიდერები დღეს ბრიუსელში შეიკრიბებიან. ბრიუსელში ელოდებიან საბერძნეთის პრემიერ-მინისტრ, ალექსის ციპრასსაც, რომელმაც ევროზონის ლიდერებს ვალთან დაკავშირებით ახალი წინადადები უნდა წარუდგინოს.

ჯერჯერობით უცნობია, რას შესთავაზებს ციპრასი კრედიტორებს, თუმცა უცხოურ მედიაში გავრცელებული ინფორმაციით, საბერძნეთის პრემიერმა შესაძლოა ვალის 30%-ის ჩამოჭრაც მოითხოვოს. „ბლუმბერგის“ ინფორამციით, ამის შესახებ ციპრასმა ჯერ კიდევ რეფერენდუმამდე განაცხადა.

საფრანგეთის პრეზიდენტის, ფრანსუა ოლანდის განცხადებით, ალექსის ციპრასის მთავრობამ სერიოზული და ისეთი ყურადსაღები წინადადებები უნდა წარადგინოს, რომელთა გრძელვადიან პროგრამად გარდაქმნა და შესაბამისად, საბერძნეთში ვითარების დასტაბილურება იქნება შესაძლებელი.