ოდესის გუბერნატორის განცხადებით, ოდესის ცნტრში არსებული პროფკავშირების შენობა უკრაინის სამხედრო ძალებს უნდა გადაეცეს. აღნიშნული განცხადება მიხეილ სააკაშვილმა უკრაინის სამხედრო-საზღვაო ძალების დღის აღსანიშნავ ღონისძიებაზე გამოსვლისას გააკეთა:

”ოდესის ცენტრში არსებული პროფკავშირების შენობა უნდა გადაეცეს უკრაინის სამხედრო საზღვაო ძალების შტაბს. პროფკავშირების ხელმძღვანელი ისე გვევაჭრება, როგორც ბაზარში, სანაცვლოდ უამრავ სახელმწიფო ქონებას ითხოვს. ბოლოს და ბოლოს ამ შენობაში დიდი ტრაგედია მოხდა, უამრავი ადამიანი დაიღუპა, პროფკავშირები კი მას გასართობი ღონისძიებებისთვის აქირავებს. ადრე არმიის ქონება იყიდებოდა და ფულს გნერალები იდებდნენ ჯიბეში. ჩვენ ქონების გაყოდვას საზოგადოებრივი კონტროლის ქვეშ განვახორციელებთ და ავაშენებთ შენობას უსახლკარო მეზღვაურებისთვის და მათთვის ვინც ღამეს გემზე ათენებს. ჩვენ არ დავუშვებთ რომ პოტენციურმა მე-5 კოლონამ მომავალშიც გაისქელოს ჯიბეები, შენობა ამოღებულ უნდა იქნას საბრძოლო ვითარების კანონის შესაბამისად და უნდა გადაეცეს სამხედრო ძალებს, რომლებიც უკრაინას იცავენ.”- განაცხადა მიხეილ სააკაშვილმა.