სააკაშვილი აფეთქებულ კაფეში ჩაის დალევას და ოდესის "სინათლის ქალაქად" გადაქცევას აპირებს

მსოფლიო - 20:40, 02 Jul, 2015

4247

ოდესის ოლქის ადმინისტრაციის ხელმძღვანელი, ოდესაში ერთ-ერთი კაფის აფეთქებას გამოეხმაურა და აღნიშნა, რომ მსგავსი კრიმინალური შემთხვევების ერთ-ერთი მიზეზი ისიც არის, რომ ოდესა ღამით არასაკმარისად განათებულია. მიხეილ სააკაშვილის თქმით, ის ოდესის მერთან ერთად აპირებს, ოდესა „სინათლის ქალაქად“ აქციოს . წესრიგის დამყარების საკითხში კი სააკაშვილს ახალი პატრულის იმედი აქვს:

„წუხელ ოდესაში ასაფეთქებელი საშუალებების გამოყენებით კაფე "У Ангелових"- ს წინააღმდეგ, დივერსია განხორციელდა. ასეთი კრიმინალური გამოხტომები, ოდესის ცუდი განათების გამო ადვილად ხორციელდება. დღეს საღამოს ჩვენ მერთან ერთად განვიხილავთ ოდესის ქუჩის განათების და ოდესის „სინათლის ქალაქად“ გადაქცევის საკითხს, ამასთანავე ჩვენ დაუყონებლივ ყველა ქუჩაზე და საზოგადოებრივი თავშეყრის ადგილზე უნდა დავაყენოთ კამერები. ახალ პატრულთან ერთად , რომელიც ჩვენთან მუშაობას აგვისტოდან დაიწყებს, ჩვენ შევძლებთ წესრიგის დამყარებას.

სხვათაშორის დღეს საღამოს ჩაის დასალევად "У Ангелових"-ში მივდივარ და ყველას იგივეს გაკეთებისკენ მოვუწოდებ, რათა მათ მიმართ სოლიდარობა გამოვხატოთ.“- განაცხადა მიხეილ სასაკაშვილმა.