სამხრეთ ოსეთის რუსეთის შემადგენლობაში გაერთიანება გარდაუვალია

სამხრეთ ოსეთის რუსეთის შემადგენლობაში გაერთიანება გარდაუვალია - ალექსეი ვენედიქტოვი

მსოფლიო - 12:42, 02 Jul, 2015

1388

რადიო „ეხო მოსკვის" მთავარმა რედაქტორმა, ალექსეი ვენედიქტოვმა ვაშინგტონის კარნეგის ცენტრში სიტყვით გამოსვლისას ქართულ-რუსული ურთიერთობების განვითარებაზე ისაუბრა. მისი თქმით, ცოტა ხანში რუსეთი სამხრეთ ოსეთს მისი ფედერაციის შემადგენლობაში გააერთიანებს, რაც ქართულ-რუსული ურთიერთობების კიდევ უფრო გაუარესებას გამოიწვევს.

„რუსეთი, სავარაუდოდ ჩრდილოეთ და სამხრეთ ოსეთის გაერთიანებისთვის იმოქმედებს. არსებობს ტექნიკური საკითხები, იგივე ღვინის ბაზარზე დაშვება, ვიზების გაუქმება. თუმცა უნდა გვესმოდეს, რომ ახლანდელ პოლიტიკურ გუნდში აფხაზეთისა და სამხრეთ ოსეთის დამოუკიდებელ სახელმწიფოებად არსებობის საკითხია.

ჩემი პროგნოზით, ცოტა ხანში ჩრდილოეთ და სამხრეთ ოსეთის გაერთიანების პროცესი და შესაბამისად, სამხრეთ ოსეთის რუსეთის ფედერაციის შემადგენლობაში შესვლა, გარდაუვალი იქნება. ამიტომ, ამ კუთხით ურთიერთობის გაუმჯობესება რუსეთთან შეუძლებელია. მთავარი, რა თქმა უნდა არის ის, რომ დევნილები ვერ დაბრუნდებიან და ისინი დაიწყებენ ზეწოლას საქართველოს ნებისმიერ მთავრობაზე. შესაბამისად, საქართველოში შიდა ტემპერატურა აიწევს და ანტირუსული დისკურსი პოპულარული იქნება. ამიტომ, ვფიქრობ, სამწუხაროდ, ცუდი ურთიერთობები შენარჩუნდება"- განაცხადა ვენედიქტოვმა.