წიგნი სავსეა რეცეპტებით, საოჯახო ფოტოებით, გემრიელი მოგონებებით... ეს ლორენის პირველი კულინარული წიგნი არ გახლავთ, თუმცა ეს ის ექსკლუზიური წიგნია, რომელზეც უკვე ვისაუბრე მეცხრე არხზე - "საუზმე ესმასთან";)))) და ვინც ვერ მნახეთ, ვიდრე ვიდეოს მოგაწვდით - აი, რეცეპტი....

მაშ ასე: მიხვედით სახლში და გსურთ რაღაც განსაკუთრებული მოამზადოთ? ყველა ინგრედიენტი სამზარეულოში გაქვთ: სპაგეტი, ნიორი, კარაქი, არაჟანი ან ნაღები, 2 ლიმონი, დახეხილი ყველი პარმეზანი, თუმცა პარმეზანს ჩვენი ქართულ-ქარხნულიც ჩაანაცვლებს...

დაიწყეთ: ტაფაზე დადეთ 3-4 კოვზი კარაქი ან ზეითუნის ზეთი. დაბალ ცეცხლზე დაადნეთ, დაამატეთ 2-3 კბილი მსხვილად დაჭრილი ნიორი და იქამდე თუშეთ, ვიდრე ნიორი არ გაოქროსფერდება... (თუ შემწვარი ნიორი არ გიყვართ, ამოიღეთ კერძიდან - გირჩევთ სოფი ლორენი)...

დაამატეთ 200 გრამი არაჟანი და 2 ლიმონის გახეხილი კანი (ცედრა), პლუს მარილი და მსხვილად დაფქული წიწაკა გემოვნებით (უხდება სახელდახელოდ დანაყილი ბაჰარის მარცვლები - შავი პილპილი)...

ალ დენტე მოხარშეთ სპაგეტი, ანუ არ გადახარშოთ... გადაწურეთ და ტაფაზევე დაამატეთ არაჟნიან სოუსს.. კარგად მოურიეთ, 5 წუთში გადმოდგით ტაფიდან და ცხელი მიიტანეთ სუფრასთან... დახეხილი ყველი ცალკე თასით მიიტანეთ მაგიდაზე - გვირჩევს სოფი ლორენი!!!!

პ.ს. ალ დენტე - ანუ სპაგეტი, ან ნებისმიერი პასტა იხარშება გადახარშვის გარეშე.... კბილით თუ მოსინჯავთ, გული უნდა იყოს ოდნავ მაგარი... ამიტომაც უწოდებენ ალ დენტე - ანუ კბილით მოსასინჯი;)))

აბა, წარმატებული კვირა დაიწყეთ ჩვენთან ერთად...

უყურეთ ყოველ დილით მეცხრეზე 10.30 "საუზმეს ესმასთან" და გვემეგობრეთ!!!!

ესმა

პ.ს. ფოტო ჩემი არ არის, ეკუთვნის prevetionRD-ს... ყველა ფოტოს ვიღებთ გადაცემის მსვლელობისას და ყველას მოგაწვდით;))