ევროსაბჭოს პრეზიდენტის, დონალდ ტუსკის განცხადებით, ევროკავშირი საბერძნეთის საკუთარი სურვილის წინააღმდეგ ვერ დაეხმარება.

ამის შესახებ ტუსკმა „თვითერის“ ოფიციალურ გვერდზე განაცხდა.

„ევროპას საბერძნეთის დახმარება სურს. მაგრამ ვერავის დავეხმარებით, საკუთარი ნების გარეშე. მოდით, საბერძნეთის რეფერენდუმის შედეგებს დაველოდოთ“ - ნათქვამია განცხადებაში.

თავის მხრივ, საბერძნეთის პრემიერ-მინისტრმა მოსახლეობისადმი მიმართვაში განაცხადა, რომ საბერძნეთმა კრედიტორების მხრიდან უკეთესი შემოთავაზება მიიღო, რომელსაც რეფერენდუმის შემდეგ გააფორმებს. ციპრასმა ხაზი გაუსვა, რომ რეფერენდუმზე პასუხი „არა“ ქვეყნის ევროზონიდან გასვლას არ ნიშნავს.

პარალელურად ევროპის საბჭო საბერძნეთში დაგეგმილ რეფერენდუმს საერთაშორისო სტანდარტებთან შეუსაბამოდ მიიჩნევს. სტრასბურგში აცხადებენ, რომ არსებული ნორმების მიხედვით, ამომრჩეველს მინიმუმ ორ კვირიანი ვადა უნდა მისცემოდა მოსაფიქრებლად.

რეფერენდუმი 5 ივლისს ჩატარდება. მოსახლეობამ პასუხი უნდა გასცეს შეკითხვას – უნდა გადაიხადოს თუ არა ქვეყანამ წლების განმავლობაში დაგროვილი მრავალმილიარდიანი კრედიტი, რომელიც ათენს დეფოლტის თავიდან ასაცილებლად ევროკავშირმა და საერთაშორისო სავალუტო ფონდმა გამოუყვეს

საფრანგეთის პრეზიდენტი კი აცხდებს, რომ არ სურს საბერძნეთი ევროზონის მიღმა იხილოს.