ფინანსთა სამინისტრომ თბილისის განვითარების ფონდის დოკუმენტაცია ამოიღო

სამართალი - 16:29, 26 Feb, 2013

394

საქართველოს მთავარი პროკურატურის აბსოლუტურად დაუსაბუთებელი და აბსურდული შუამდგომლობა და თბილისის მერის მიმართ, აღკვეთის ღონისძიების არც ერთი სახე არ იქნა გამოყენებული, ფინანსთა სამინისტროს საგამოძიებო სამსახურმა ამის საპასუხოდ გადაუდებელი აუცილებლობით, თბილისის განვითრების ფონდიდან მისი საქმიანობის ამსახველი დოკუმენტაცია სრულად ამოიღო. ნათელია, რომ სასამართლოს განჩინების გარეშე (რაც დოკუმენტაციის ამოღებისთვის ზოგადად აუცილებელი წინაპირობაა) დოკუმენტაციის ამოღების არანაირი აუცილებლობა არ არსებობდა, რადგან საგამოძიებო ორგანოს მიერ, უკვე ნოემბრის თვიდან აქტიურად მიმდინარეობს ფონდის საქმიანობის შესწავლა და ამის ხელის შემშლელი არც ერთი ფაქტს ადგილი არ ჰქონია", - ნათქვამია განცხადებაში.
როგორც თბილისის მერიაში აცხადებენ დოკუმენტების ამოღება სასმართლოს განაჩენის გარეშე მოხდა, აღნიშნულ ფაქტს მერიაში თბილისის მერისთვის ახალი ბრალდებების "შეთითხვნას" უკავშირებს.
"ერთმნიშვნელოვნად შეიძლება ითქვას, რომ მას შემდეგ, რაც საგამოძიებო ორგანოების დაუსაბუთებელმა ბრალდებებმა, დაარწმუნა როგორც საზოგადოება, ასევე თავად საგამოძიებო ორგანოები თბილისის მერისთვის წარდგენილი ბრალდებების აბსურდულობაში, მათ სასწრაფო წესით წამოიწყეს ახალი ბრალდების შეთითხვნის პროცესი. ყოველივე ამით კი კვლავ გრძელდება პოლიტიკური ზეწოლა თბილისის თვითმმართველობაზე", - აღნიშნულია მერიის განცხადებაში.