,,ჩვენ არაფერს ვანგრევთ და პირველად მესმის ამის შესახებ. არანაირი შეხება არ გვაქვს იუსტიციის სახლის დანგრევეასთან, ჩვენ მხოლოდ ვაშენებთ და თუ ააშენებენ, გახსნაზე სიამოვნებით მივალთ" - უთხრა "ნიუპოსტს" რეგიონალური განვითარებისა და ინფრასტრუქტურის მინისტრის მოადგილემ თენგიზ შერგელაშვილმა.

მცხეთაში იუსტიციის სახლის დემონტაჟის დაწყების შესახებ ინფორმაცია "ფეისბუქზე" გავრცელდა და ფოტოებიც გამოქვეყნდა, რომელთა აღწერაში ნათქვამი იყო: "მცხეთაში იუსტიციის სახლის დემონტაჟი დაწყებულია. შენობა თითქმის დასრულებული სახე ჰქონდა, მხოლოდ შიდასამუშაოები და ფასადური ელემენტები იყო დარჩენილი. თუმცა, მშენებლობა პირველი ოქტომბრის არჩევნების შემდეგ შეჩერდა, ხოლო 25 თებერვალს მისი დემონტაჟი დაიწყო".