ია მეტრეველი: სასამართლომ უგულავას საქმით დაამტკიცა, რომ ნდობას არ იმსახურებს

სამართალი - 14:44, 26 Feb, 2013

421

რომ ყოფილმა იუსტიციის მინისტრმა ზურაბ ადეიშვილმა და ღვინიაშვილმა დაუკვეთეს თუ რა და როგორ უნდა განხორციელებულიყო.

მისი თქმით, ღვინიაშვილს ძალიან ბევრი ინფორმაცია აქვს, რაც შეეხება ირაკლი ოქრუაშვილს, რობაქიძის დედა მიიჩნევს, რომ გამორიცხულია ოქრუაშვილს იმ ღამეს მიმდინარე ამბები არ სცოდნოდა.

"ოქრუაშვილზე არასოდეს ვსაუბრობდი, თუმცა მის მიმართ კითხვები ყოველთვის მქონდა, მაგრამ როგორც ახლა ირკვევა, ამ საქმეში ოქრუაშვილის პასუხისმგებლობა დიდია და მე ძალიან მიკვირს რატომ არ აძლევს გამოძიებას ჩვენებას", - განაცხადა მეტრეველმა.

მეტრეველი გადაცემა „ პატრულის " ყოფილი ოპერატორის ზურაბ ვაწაძის დაკითხვას ითხოვს:
„მე მინდა, პროკურატურას ვთხოვო აუცილებლად დაკითხონ ვაწაძე, რადგან ჩემი ინფორმაციით, მასზე მიმდინარეობს ზეწოლა, მის სახლში უცხო ადამიანების გადაადგილება შეინიშნება, რომლებიც ვაწაძეზე სავარაუდოდ, ზეწოლას ახდენენ", - აღნიშნა მეტრეველმა.

მეტრეველის განცხადებით, გუშინ თბილისის მერის გიგი უგულავას სასამართლო პროცესმა კიდევ ერთხელ დაადასტურა, რომ სასამართლო არანაირ ნდობას არ იმსახურებს და შესაბამისად, თუ რობაქიძის საქმეზე დაკავებულ პირებს კუბლაშვილის სასამართლო გაასამართლებს, ის ობიექტური არ იქნება.

"სასამართლოს რომ დონაძე და მიქაძე არ გაეთავისუფლებინა, ისინი ვერ შეძლებდნენ კოორდინირებულად დაედგათ ის სცენარი, რომელიც ახალი კადრების გავრცელებით დაიწყო და დღემდე აბსურდულად გრძელდება. მე ეჭვი მაქვს, რომ ეს საქმე სააკაშვილამდეც მიდის, რადგან სწორედ მან გააკეთა განცხადება, რომ ბოლოს გავრცელებული კადრებით ყველაფერი ნათელი გახდა", - აღნიშნა მეტრეველმა.