„ევრონიუსი“ ბათუმის შესახებ სტატიას აქვეყნებს.

„შავი ზღვის სამკაული, საქართველოს კურორტი ბათუმი, ცნობილია, როგორც რეგიონის დედაქალაქი. აჭარის ავტონომიური რესპუბლიკის მთავარი ქალაქი - ბათუმი, არის ადგილი, სადაც ახალგაზრდები მოდიან თბილი ზღვის, კლუბებისა და დაუსრულებელი სადღესასწაულო ატმოსფეროსთვის“ - ნათქვამია სტატიაში.

ჟურნალისტი ბათუმის ბუნების განსაკუთრებულობას უსვამს ხაზს.

„გარუჯული ზღვისპირა კლდეები და თოვლიანი მწვერვალები ნამდვილი სამოთხეა ფლორისა და ფაუნის ათასობით სახეობისთვის“ - აღნიშნავს ჟურნალისტი.

„ევრონიუსს“ მხედველობიდან არც ქართული სამზარეულოს მრავლაფეროვნება და პიკანტურობა გამორჩენია. განსაკუთრებული ყურადღება კი ხაჭაპურზეა გამახვილებული.

„ხაჭაპური არის ტრადიციული კერძი მთელი ქვეყნის მასშტაბით. აჭარული ხაჭაპური კი სპეციფიკურია - აქვს ნავის ფორმა, რადგან აჭარა ზღვისპირეთია, არის ღია და კვერცხთან ერთად, ყველი ბევრად უკეთ გამოიყურება“ - ნათქვამია სტატიაში.