ვინ მფარველობდა "კანონიერ ქურდს" და როგორ მოხვდა ის საქართველოში?!

სამართალი - 19:20, 30 Jun, 2015

5583

დღეს, ზუგდიდის რაიონულ სასამართლოში აფხაზეთის ტერიტორიიდან გადმოსული და დაკავებული "კანონიერი ქურდის", თემურ გვასალიას სასამართლო პროცესი გაიმართა. გამოძიების ინფორმაციით, თემურ გვასალია საქართველოს ტერიტორიაზე სხვა პიროვნებისთვის გაცემული პასპორტის გამოყენებით გადმოვიდა. გვასალია ენგურის ხიდთან ანტიტერორისტული ცენტრის თანამშრომლებმა დააკავეს, მას ნარკოტიკული ნივთიერებაც აღმოაჩნდა.

როგორც „ნიუპოსტისთვის“ გახდა ცნობილი, ქართულ მხარეს გააჩნდა ინფრომაცია, რომლის მიხედვითაც ოკუპირებული აფხაზთის ტერიტორიიდან საქართველოს ტერიტორიაზე მკურნალობის მიზნით ერთი პიროვნება უნდა გადმოსულიიყო და იგი ზუგდიდის რაიონულ საავადმყოფოში უნდა გადაეყვანათ. ამ მიზნით თბილისიდან საგანგებოდ რეანომობილიც გამოიძახეს. მოგვიანებით ცნობილი გახდა, რომ იმ ადამიანის პასპორტით, რომელსაც აფხაზეთის საზღვართან ელოდებოდნენ, "კანონიერმა ქურდმა" ისარგებლა.

ასევე ვრცელდება ინფორმაცია, რომლის მიხედვითაც "კანონიერი ქურდი" დაკავებამდე პოლიციის მაღალჩინოსნებს გაურიგდა და იგი ქართულ მხარეს თურქეთის საზღვრამდე უსაფრთხოდ უნდა გადაეყვანა.

ბრადებულის ადვოკატის თქმით, იგი მისი დაცვის ქვეშ მყოფის ინტერესებიდან გამომდინარე არ ისაუბრებს დეტალებზე და არ დაასახელებს იმ ადამიანების ვინაობას, რომელთა დახმარებითაც თემურ გვასალია საქართველოს კონტროლირებად ტერიტორიაზე მოხვდა. „ნიუპოსტთან“ საუბრისად ადვოკატმა ასევე განაცხადა, რომ თემურ გვასალიას სამართალდამცავემა დაკავებისას ნარკოტიკული ნივთიერება ჩაუდეს.

ბრალდებულის ახლობლები პირად საუბრებში გარანტიებზე საუბრობენ და აცხადებენ, რომ გვასალიას ჰქონდა გარანტია, რომლის მიხედვითაც იგი ქართულ მხარეს არ უნდა დაეკავებინა, თუმცა დეტალებზე საუბარს თავს არიდებენ.