ათენში დაახლოებით 17 000-მა ბერძენმა საერთაშორისო კრედიტორების შეთავაზება გააპროტესტა.

ათენის მოსახლეობა, 29 ივნისს ქუჩაში გამოვიდა და მთავრობას მხარდაჭერა გამოუცხადა.

„ჩვენი ცხოვრება კრედიტორებს არ ეკუთვნის“, „არა მემონრანდუმებს“, „არა შანტაჟს“ - სკანდირებდნენ აქციის მონაწილეები.

საბერძნეთის პრემიერ-მინისტრმა, ალექსის ციპრასმა დღეს სატელევიზიო მიმართვისას მოსახლეობას მოუწოდა, 5 ივლისს დაგეგმილ რეფერენდუმზე საერთაშორისო კრედიტორების მოთხოვნას მხარი არ დაუჭირონ.

ციპრასმა მიანიშნა, რომ თუ ამომრჩეველი საყოველთაო გამოკითხვის დროს გადაწყვეტს, რომ მათ სურთ მორიგი მკაცრი ეკონომიკური რეფორმების გატარება, მაშინ იგი დატოვებს თანამდებობას.

ათენს დღეს აქვს ბოლო დღე იმისათვის, რომ მილიარდ 600 მილიონი ევროს ოდენობის ვალი გადაუხადოს საერთაშორისო სავალუტო ფონდს.