ერევნის პოლიცია ბაგრამიანის გამზირის ნაგვის ყუთებისგან გათავისუფლებას აპირებს, რომელიც დემონსტანტებსა და მათ შორის ბარიკადების ფუნქციას ასრულებს. ამის შესახებ ინფორმაციას „რადიო თავისუფლება“ ავრცელებს.

პოლიციის პოლკოვნიკის არსენ აივაზიანის განცხადებით, სამართალდამცავები შესაბამის მოქმედებებს მალე დაიწყებენ, ხოლო ნებისმიერ მცდელობას, რომელიც მათი ქმედების ხელისშესასშლელად იქნება მიმართული, სათანადო რეაგირება მოჰყვება.

შეგახსენებთ, სომხეთის მარეგულირებელმა კომისიამ ელექტროენერგიაზე ტარიფი გააძვირა, კომისიის გადაწყვეტილების თანახმად, ელექტროენერგია 6,93 სომხური დრამით (0,015 დოლარი) ძვირდება და 48,78 დრამი ხდება.

აღნიშნული გადაწყვეტილება ერევნის მოსახლეობამ გააპროტესტა. 23 ივნისის დილას სომხეთის დედაქალაქში პოლიციამ დემონსტრანტები ძალის გამოყენებით და წყლის ჭავლით დაშალა.

ერთკვირიანი საპროტესტო გამოსვლების შემდეგ პრეზიდენტმა სარგსიანმა განაცხადა, რომ დეეის ტარიფის გაზრდასთან დაკავშირებულ ხარჯებს სახელმწიფო საკუთარ თავზე აიღებდა, თუმცა აქციის მონაწილეები დაშლას მაინც არ აპირებენ. მათმა ნაწილმა "თავისუფლების მოედნიდან" ბაგრამიანის პროსპექტისკენ გადაინაცვლა. პოლიციამ მათ ტერიტორიის დატოვებისკენ არაერთხელ მოუწოდა, წინააღმდეგ შემთხვევაში ძალის გამოყენებით კი დაემუქრა.
ამ მოწოდების შემდეგ, მომიტინგეების მასა ორ ნაწილად გაიყო. ნაწილმა ტერიტორია დატოვა, ნაწილი კი ამ დრომდე შეკრების ადგილზე რჩება.