თურქეთის პოლიციამ სტამბოლის ცენტრში ყოველწლიური გეი აღლუმი დაშალა. ამის შესახებ „როიტერი“ იტყობინება. სამართალდამცველებმა მომიტინგეთა დასაშლელად წყლის ჭავლი და რეზინის ტყვიები გამოიყენეს, თუმცა არავინ დაშავებულა.

პოლიციამ მომიტინგეებს დაშლისკენ ტაქსისმის მოედანზე შეკრებისთანავე მოუწოდეს, რის შემდეგაც წყლის ჭავლის გამოყენება დაიწყეს. მიუხედავად ამისა, აქციის მონაწილეებმა მოშორებით მაინც განაგრძეს შეკრება, სადაც დამატებითი დაპირისპირება აღარ მომხდარა.

თურქეთში, ჰომოსექსუალობა დანაშაულად არ ითვლება, თუმცა მოსახლეობის დიდი ნაწილი მას არ ეთანხმება. წლევანდელი აქცია მაჰმადიანთა წმინდა რამადანის პერიოდს დაემთხვა.