რადიკალურმა ისლამისტურმა დაჯგუფება, „ისლამურმა სახელმწიფომ“ გუშინ ტუნისში განხორციელებულ ტერაქტზე პასუხისმგებლობა აიღო.

ამის შესახებ „როიტერი“ ჯიჰადისტების თვითერის გვერდზე დაყრდნობით წერს.

„ჩვენმა ძმამ, ხალიფატის ჯარისკაცმა სასტუმრო „იმპერიალში“ საკუთარ მიზანს მიაღწია, მიუხედავად უსაფრთხოების ზომებისა“ - ნათქვამია განცხადებაში.

გარდა ამისა, განცხადებაში აღნიშნულია, რომ ბიოევიკები თავს „ბორდელს“ დაესხნენ და 40 „მოღალატე“ მოკლეს.

შეგახსენებთ, გუშინ, ორმა შეიარაღებულმა პირმა ტუნისის ქალაქ სუსთან, კურორტ ელ-კანტაუიში, სასტუმრო "იმპერიალთან" ცეცხლი გახსნა. ერთი დამნაშავე მოკლულია, მეორე დაკავებული. ტერაქტს 39 ადამიანის სიცოცხლე ემსხვერპლა. გარდაცვლილებს შორის ბრიტანეთის, გერმანიის, ბელგიისა და ტუნისის მოქალაქეები არიან.