ანჯელინა ჯოლი და ბრედ პიტი განქორწინების ზღვარზე არიან. ამერიკული გამოცემა In Touch-ი მსოფლიოს საუკეთესო წყვილად აღიარებულ ანჯელინა ჯოლისა და ბრედ პიტის შესაძლო განქორწინებაზე წერს.

გამოცემა ირწმუნება, რომ წყვილს ურთიერთობაში კრიზისული პერიოდი აქვს, განქორწინებას გეგმავენ და ამის შესახებ განცხადებას 2015 წლის ბოლოს გააკეთებენ.

„ბრედი განქორწინების შესახებ განცხადების შეტანას აპირებს და ამის შესახებ ანჯელინას უკვე შეატყობინა. ის თავს უბედურად გრძნობს“ - წერს გამოცემა წყაროზე დაყრდნობით.

ჰოლივუდური წყვილის ქორწინების კოლაფსის მიზეზად ჯოლის ავტორიტარული თვისებები სახელდება.

„ბრედის თქმით, ანჯელინა მას ურთიერთობის პირველი დღიდან აკონტროლებს. თავიდან მოსწონდა კიდეც, რომ პასუხისმგებლობას ჯოლი იღებდა, მაგრამ ახლა ყველაფერი შეიცვალა“ - წერს გამოცემა.

In Touch-ის ინფორმაციით, სამწუხაროდ "ბრანგელინა" სრულდება და წყვილი განქორწინების შესახებ ოფიციალურ განცხადებას 2015 წლის ბოლოს, თავიანთი ერთობლივი ფილმის By the Sea-ის პრემიერის შემდეგ გააკეთებს, რომლის რეჟისორის თავად ანჯელინაა, მთავარ როლს კი ბრედთან ერთად ასრულებს.

ანჯელინა ჯოლისა და ბრედ პიტის რომანი 2005 წელს, ფილმ "მისტერ და მისის სმიტების" გადაღებაზე დაიწყო, რომელშიც მსახიობები მთავარ როლებს ასრულებდნენ.

თანაცხოვრების პერიოდში წყვილს სამი შვილი გაუჩნდა. ბრედმა ანჯელინას 2 შვილობილი იშვილა, შემდეგ კი ერთად ბიჭიც იშვილეს.