ჩეჩნეთის პრეზიდენტის, რამზან კადიროვივ განცხადებით, ტერორისტული ორგანიზაცია "ისლამური დაჯგუფება“ ჩეჩნეთის რესპუბლიკაში მხარდაჭერას ვერ მოიპოვებს, რადგანაც ქვეყნის მოსახლეობა მშვიდობიანი ცხოვრებისთვის არის განწყობილი.

„განცხადება, რომელიც ჩრდილოკავკასიელი "ბოევიკების" სახელით გაკეთდა იმის შესახებ, რომ მათ „ისლამურ სახელმწიფოს“ ერთგულება შეფიცეს, არაფერია, თუ არა სიცრუე. არა მგონია, იმ ბანდიტებმა, რომლებიც ტყეებში იმალებიან, სერიოზული დახმარება გაუწიოს რადიკალურ დაჯგუფებას“ - განაცხადა კადიროვმა.

„ამ ნაძირლებს უბრალოდ არანაირი შანსი არ აქვთ ჩეჩნეთის რესპუბლიკაში. სიტუაციას ჩვენი უსაფრთხოების ძალები სრულად აკონტროლებენ და მშვიდობიან ცხოვრებას მოსახლეობის 99,9% უჭერს მხარს" - დასძინა მან.

შეგახსენებთ, რამდენიმე დღის წინ გავრცელებული ინფორმაციით, ჩრდილოკავკასიური დაჯგუფების „კავკასიის იმირატების“ ბოევიკებმა „ისლამური სახელმწიფოს“ ერთგულებაზე დაიფიცეს და მათ რიგებს შეუერთდნენ, რაც ნიშნავს, რომ ჯიჰადისტებს ჩეჩნეთში ოფიციალური საყრდენი ჰყავს.