ერევანში მიმდინარე საპროტესტო აქციის მონაწილეებმა პრეზიდენტ სერჟ სარგისიანთან შეხვდრაზე უარი განაცხადეს. გავრცელებული ინფორმაციით, საკოორდინაციო ჯგუფმა პრეზიდენტთან შეხვედრა არ მოისურვა და სარგისიანს პირდაპირ ეთერში ელექტროენერგიის ტარიფის ბათილად გამოცხადებისკენ მოუწოდა.

დემონსტრანტებმა პრეზიდენტის სასახლესთან ნაგვის ურნებიც მიიტანეს და ერთგვარი ბარიკადები ააგეს. სიტუაციის გასანეიტრალებლად და შეტაკებების თავიდან ასარიდებლად, აქციაზე სომეხი პოლიტიკოსები, საზოგადო მოღვაწეები, ყოფილი და მოქმედი დეპუტატები მივიდნენ და დემონსტრანტებსა და პოლიციას შორის ჩადგნენ. დემონატრანტები მთელი ღამის განმავლობაში ცენრტალურ მოედანზე იმყოფებოდნენ, ღამემ მშვიდად ჩაიარა.

შეგახსენებთ, სომხეთის მარეგულირებელმა კომისიამ ელექტროენერგიაზე ტარიფი გააძვირა, კომისიის გადაწყვეტილების თანახმად, ელექტროენერგია 6,93 სომხური დრამით (0,015 დოლარი) ძვირდება და 48,78 დრამი ხდება.

აღნიშნული გადაწყვეტილება ერევნის მოსახლეობამ გააპროტესტა. 23 ივნისის დილას სომხეთის დედაქალაქში პოლიციამ დემონსტრანტები ძალის გამოყენებით და წყლის ჭავლით დაშალა. ათასობით მოქალაქემ ერევანის ცენტრალური გამზირი ელექტროენერგიაზე ტარიფების გაზრდის გამო გადაკეტა, რასაც საბოლოოდ პრეზიდენტის გადადგომის მოთხოვნაც დაემატა. პოლიციამ დემონსტრატები რამდენჯერმე გააფრთხილა და ცენტრალური გამზირის გათავისუფლებისკენ მოუწოდა, რაზეც დემონსტრატების უმრავლესობამ უარი განაცხადა.