ივანიშვილის სასამართლო და პროკურატურა პოლიტიკურ მითითებებს ასრულებს -ოთო კახიძე

სამართალი - 20:01, 22 Jun, 2015

1758

საქართველოს მთავარი პროკურატურის განცხადებას მიხეილ სააკაშვილის ბრალეულობასთან დაკავშირებით გამოეხმაურა ექსპრეზიდენტის ადვოკატი. ოთარ კახიძე ამბობს, რომ საგამოძიებო ორგანოს განცხადებაში მნიშვნელოვანი სიახლე არ არის. მისივე თქმით, ეს განცხადება გაუგებარია, რადგან დაცვის მხარეს მათ მიერ მოპოვებული მტკიცებულების დაუშვებლად ცნობა არც მოუთხოვია. ოთარ კახიძემ ასევე უარყო ინფორმაცია იმის შესახებ, რომ ახალი მტკიცებულებები განხორციელდა სტრასბურგის სასამართლოს მოთხოვნით, ადვოკატის თქმით, პროკურატურამ სტრაბურგის სასამართლო მიხეილ სააკაშვილის წინააღმდეგ პოლიტიკური მოტივაციით გამოიყენა.

,,ჩვენ სადაოდ იმა კი არ ვხდით, რომ მტკიცებულებები დარღვევით არის მოპოვებული, ჩვენ ვთვლით, რომ ამ მტკიცებულებების შინაარსი არ ადასტურებს ბრალდებას და მათ არანაირი კავშირი არ აქვთ დანაშაულთან. რაც შეეხება იმას, რომ სტრასბურგის სასამართლომ დაავალა გამოძიება, ეს არის სიცრუე. მათ გამოიყენეს სტრასბურგის სასამართლო იმისთვის, რომ პოლიტიკური ანგარიშსწორება განეხორციელებინათ. გირგვლიანის გვარის ხსენება არის მათთვის მნიშვნელოვანი, რომ ამ ტრაგედიით სპეკულირება განაგრძონ. სხვა მხრივ სისხლის სამართლის საქმე არანაირ მტკიცებულებებს არ ეყრდნობა, იქ არის ოლეგ მელნიკოვის ირიბი ჩვენება, რომელსაც მიხეილ სააკაშვილთან არანაირი შეხება არ აქვს“

მიხეილ სააკაშვილის ადვოკატისთვის გაუგებარია, თუ რატომ არ დაუშვა სასამართლომ მაიკ ტერნერისა და ჯონ მაკკეინის განცხადებები მტკიცებულებად, სადაც საქმის პოლიტიკურად მოტივირებულობაზეა საუბარი, მაშინ როცა, ადვოკატის თქმით, აღნიშნული წერილების წარდგენა მოხდა ინტერპოლში, რომლის მიხედვითაც ინტერპოლმა იხელმძღვანელა.

"ივანიშვილის სასამართლო და პროკურატურა ხელმძღვანელობს არა კანონმდებლობით, არამედ ხელმძღვანელობს პოლიტიკური კონიუქტურითა და პოლიტიკური მიზეზებით. ისინი იქცევიან ბიძინა ივანიშვილის მითითებებით"- აცხადებს ოთო კახიძე.