აშშ-ის თავდაცვის მინისტრის, ეშტონ კარტერის განცხადებით, რუსეთი საბჭოთა კავშირის დროს არსებული გავლენის სფეროების დაბრუნებას ცდილობს, თუმცა აშშ და მისი მოკავშირეები ამის უფლებას არ მისცემენ.

"ჩვენ არ მივისწრაფით არც ცივი და მით უმეტეს არც ცხელი ომისკენ რუსეთთან. ჩვენ არ გვსურს რუსეთი ჩვენი მტერი იყოს. თუმცა, ეჭვგარეშეა, რომ მზად ვართ დავიცვათ ჩვენი მოკავშირები და საერთაშორისო წესრიგი“ - განაცხადა პენტაგონის ხელმძღვანელმა გერმანიაში ვიზიტისას.
კარტერის ვიზიტი ევროპაში დღეს დაიწყო და 26 ივნისს დასრულდება. მისი ვიზიტის მთავარი თემა რუსეთიდან მომდინარე საფრთხეები და ნატო-სა და მოსკოვს შორის არსებული კავშირები იქნება.