როგორც ,,ნიუპოსტის'' ადგილობრივი კორესპონდენტს აქციის ერთ-ერთმა ორგანიზატორმა ანი წითლიძემ განუცხადა, მიუხედვად იმისა, რომ პირადად ჰყავდათ წინასწარ გაფრთხილებული ადგილობრივი და სამხარეო პოლიციაც, აქციის მონაწილეები მანქანებით არ გაატარეს და მათ მოუხდათ ხიდამდე ფხით გავლა, თუმცა იგივე სამხარეო პოლიციამ გაატარა ევროკავშირის სადამკვირვებლო მისიის მანქანები, რომლებიც თვალყურს ადევნებდნენ აქციის მიმდინარეობას.

ადგილზე იმყოფებოდა სამეგრელო-ზემო სვანეთს გუბერნატორი თენგიზ გუნავა, მან პოლიციელებს მიუთითა, რომ დაეშვათ ახალგაზრდები ენგურის ხიდამდე და რომ ისინი თვად უნდა იყვნენ ოკუპაციის წინააღმდეგ მიმართული აქციის მონაწილეები. თენგიზ გუნავას გუნავას ამი გამო შელაპარაკებაც მოუწია ზუგდიდის პოლიციის სამმართველოს უფროსის მოადგილესთან, გუნავამ საკუთარი მაგალითიც მოუყვანა პოლიციის მაღალჩინოსანს, რომ მისი მუშაობის პერიოდში ახალგაზრდების მსგავსი სამშვიდობო აქცია არასოდეს შეუფერხებია.

პოლიციამ ახალგაზრდების აქციის შეფერხების მიზეზად მანქანების დიდი რაოდენობა დაასახელა.

,,მიუხედავად, იმისა რომ ქართველმა პოლიცილებმა ალბათ ,,ზემოდან'' მიიღეს დავალება და ენგურის ხიდზე შეშვებისას პრობლემები შეგვიქმნეს, მაინც მჯერა რომ მათი უარიც აქვთ ოკუპანტებს და თუ ასე საჯაროდ არა გულში მაინც ყველა პოლიციელისთვის აქტუალურია ,,არა ოკუპაციას'', - განაცხადა ანი წითლიძემ.

,,ახალგაზრდული საინიციატივო ჯგუფის'' მიერ მომზადებული აქცია ,,არ ოკუპაციას" უკვე დასრულებულია. მათ საქართველოს დროშა ჩამოკიდეს ენგურის ხიდთან აღმართულ სიმბოლურ იარაღთან, ჰაერში აუშვეს ფრანი საქართველოს სახელმწიფო სიმბოლიკით.
აქცია დაიწყო ზუგდიდში 9 აპრილის მემორიალთან, სადაც სანთლებით დაწერეს ,,არა ოკუაპციას" და ჰაერში ასევე აუშვეს ფრანები. აქციას შემოუერთდა მოძრაობა ,,პატრიოტები" და რიგით მოქალაქეები.