აშშ-ს სენატმა 612 - მილიარდიანი თავდაცვის ბიუჯეტი მიიღო. აღნიშნული ბიუჯეტი უკრაინისთვის სამხედრო დახმარების გაწევას, ბაზების დახურვის შეჩერებას და გვანტანამოს ციხის დახურვის დროებით გადადებას ითვალისწინებს.

ამ ბიუჯეტის თანახმად უკრაინას 300 მილიონი დოლარის ოდენობის დახმარება უნდა გადაეცეს, საიდანაც 20 % უკრაინის შეიარაღებას უნდა მოხმარდეს, მათ შორის, სარადარო და ტანკსაწინააღმდეგო სისტემებით მომარაგებას.

დოკუმენტს 71-მა სენატორმა დაუჭირა მხარი, 25 კი წინააღმდეგ წავიდა.

აშშ-ის პრეზიდენტი ბარაკ ობამა თავდაცვის ბიუჯეტის ამდაგვარი განაწილების წინააღმდეგია და, გავრცელებული ინფორმაციით, მას ვეტოს დაადებს.