ნორვეგიელი მსჯავრდებული, 77 ადამიანის მკვლელობაში ბრალდებული ანდერს ბრეივიკი ოსლოს უნივერსიტეტში სწავლის გაგრძელებას გეგმავს.

გავრცელებული ინფორმაციით, ბრეივიკმა უნივერსიტეტს უკვე მიმართა და პოლიტიკური მეცნიერებების ბაკალავრის ხარისხის მიღების სურვილი გამოთქვა.

„თუკი ბრეივიკის განცხადება დაკმაყოფილდება, მხოლოდ პატიმრობის შესაბამის პირობებში. ეს ვერ შეძლებს სტუდენტებსა და ლექტორებთან კონტაქტს“ - განაცხადა ნორვეგიის უდიდესი უნივერსიტეტის რექტორმა,ულე პეტერ უტერსენმა.

შეგახსენებთ ანდერს ბრეივიკმა 2011 წლის 22 ივლისს, ოსლოში აფეთქება მოაწყო რომელსაც 8 ადამიანისსიცოცხლე ემსხვერპლა, იმავე დღეს მან კუნძულ უტოიაზე ახალგაზრდული ბანაკში მყოფ ადამიანებს ცეცხლიგაუხსნა, რის შედეგადაც 69 ადამიანი დაიღუპა. მათშორის იყო ქართველი სტუდენტი თამთა ლიპარტელიანიც. ბრეივიკს ნორვეგიის სასამართლომ 21 წლით თავისუფლების აღკვეთა მიუსაჯა. ის ამჟამად 35 წლისაა.