ევროკავშირი პატიმრობაში მყოფი უკრაინელი პილოტის, ნადეჟდა სავჩენკოს გათავისუფლებას კატეგორიულად მოითხივს. ამის შესახებ განცხადება, უმაღლესმი ევროკომისარის ფედერიკა მოგერინის პრესსპიკერმა ბრიუსელში გააკეთა.

„ევროკავშირი კატეგორიულად მოითხოვს ნადეჟდა სავჩენკოს გათავისუფლებას. ამას ითვალისწინებს მინსკის სამშვიდობო ხელშეკრულება, რომლის თანახმადაც უკრაინის კონფლიქტთან დაკავშირებით დაკავებული ყველა პირი და მძევალი უნდა გათავისუფლდეს“ - ნათქვამია განცხადებაში.

შეგახსენებთ, უკრაინის ტერიტორიული მთლიანობისთვის მებრძოლი 33 წლის უკრაინელი მფრინავი ქალი, ნადეჟდა სავჩენკო უკვე ერთი წელია რუსეთის პატიმრობაში იმყოფება. სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.

გაეროს, ევროკავშირის, აშშ-სა და სხვა საერთაშორისო ორგანიზაციების მოთხოვნის მიუხედავად, სავჩენკო კვლავ რუსეთის საპატიმროში იმყოფება.

2014 წლის 13 დეკემბერს, სავჩენკომ გათავისუფლების მოთხოვნით შიმშილობა დაიწყო. ჯანმრთელობის მდგომარეობის უკიდურესად დამძიმების გამო, 5 მარტს შიმშილობა შეწყვიტა, თუმცა 10 დღის შემდეგ კვლავ განაგრძო და დღემდე შიმშილობს.