ფილმი იძლევა უტყუარ და მნიშვნელოვან ინფორმაციას ქართველებისა და ინგუშების ურთიერთბების შესახებ. 
პერსონაჟები ჰყვებიან ინგუშთა გადასახლებისა და მათი რეპატრიაციის, ჩვენი ხალხების შემდგომი ურთიერთობების შესახებ.
,,ეს იმ ადამიანების ისტორიაა, რომელთა ცხოვრებაც კარგი მაგალითი და ხსოვნის ღირსია. ფილმი მოწმობს იმაზე, რომ ჩვენ ვიყავით ერთადერთი ერი, რომელმაც გადაარჩინა დეპორტირებული ინგუშების სახლ-კარი და ქონება, შეუნახა მათ წინაპართა საფლავები, შეიფარა ომის საშინელებას გამოქცეული ლტოლვილები და ა.შ. „_ აცხადებდნენ ორგანიზატორები ,,ნიუპოსტთან“ საუბარში.
ფილმს წარმოადგინა ინგუშურ-ქართულმა საზოგადოებამ „პრომეთე“ და მისი პრეზენტაცია პარალელურად გაიმართა ინგუშეთის რესპუბლიკის დედაქალაქ მაგასშიც, ხოლო თბილისში ჩვენებას დაესწრნენ ინგუშეთიდან ჩამოსული სტუმრები.
ასევე პროფესორი კავკასიოლოგები მერაბ ჩუხუა, ბეჟან ხორავა; ფილმის პერსონაჟები ყაზბეგის რაიონიდან; ინგუშეთის რესპუბლიკიდან საგანგებოდ დღევანდელი დღისთვის ჩამოსული სტუმარი - პოლიტიკურ მეცნიერებათა დოქტორი, აკადემიკოსი მუსა გულიევი; ჟურნალისტები ზვიად მჭედლიშვილი, ოლეგ პანფილოვი; „კავკასიის ფონდის“ და ჩერქეზული კულტურის ცენტრის თანამშრომლები; თბილისში მცხოვრები ეთნიკური ინგუშები; ქისტი და ქართველი ახალგაზრდები; სტუდენტი ისტორიკოსები და სხვ. დაინტერესებული პირები.