რუსეთში, ლიცეპკას ოლქში ბოლო 6 თვეა 40 წლის მამაკაცი ადგილობრივ სილამაზის სალონებს „ატერორებს“ და ინტიმური ადგილის ეპილაციას ითხოვს. გარდა ამისა, "ბონუსის" სახით სექსუალურ მომსახურებასაც ითხოვს. სილამაზის სალონები იმდენად დაიღალნენ გენადისთან ბრძოლით, რომ მომსახურებიდან მამაკაცთა ეპილაციის ამოღებაზეც ფიქრობენ.

პირველი შემთხვევა წლის დასაწყისში დაფიქსირდა. 40 წლის გენადი ერთერთი სალონის თანმშრომლებს ეპილაციას ფასდაკლების ბარათით წარუდგა და განუცხადა, რომ ინტიმური ადგილის ეპილაცია სურდა . თანამშრომლების უარის მიუხედავად, მამაკაცი ჯიუტად ითხოვდა ეპილაციას და სალონს გენდერულ დისკრიმინაციაში ადანაშაულებდა. თანამშრომლებმა განუმარტეს, რომ ფასდაკლების ბარათი მხოლოდ ქალბატონებისთვის იყო განკუთვნილი. სკანდალისა და ხმაურის შემდეგ მამაკაცმა სალონი მას შემდეგ დატოვა, რაც პოლიციის გამოძახებით დაემუქრნენ. თუმცა ყველაფერი ამით არ დასრულებულა.

შემთხვევიდან, დაახლოებით 6 თვის შემდეგ, ისტორია განმეორდა. 11 ივნისს გენადი სხვა სალონში შუგარინგზე კვლავ ინტიმური ადგილის ეპილაციის მოთხოვნით მივიდა. მორიგი უარის შემდეგ, მამაკაცი სალონს სასამართლოში ჩივილით დაემუქრა.

„ბოლო დროს, გენადის მსგავსი მოთხოვნით უფრო და უფრო მეტი მამაკაცი მოგვმართავს. ვფიქრობთ, მამაკაცების ეპილაცია საერთოდ ამოვიღოთ მომსახურებიდან“ - განაცხადა სალონის მფლობელმა.