ევროპარლამენტმა 2018 წლის საფეხბურთო ჩემპიონატთან დაკავშირებით რეზოლუცია მიიღო და 2018 წლის საფეხბურთო მსოფლიო ჩემპიონატის სხვა ქვეყანაში გადატანას მხარი დაუჭირა, იმ შემთხვევაში თუკი რუსეთისთვის მისი ჩატარების უფლების მინიჭების უკანონობა დადასტურდება. ევროპარლამენტის განცხადებაში აღნიშნულია, რომ მიესალმებიან ფიფა-ს აუდიტის კომისიის ხელმძღვანელის განცხადებას, რომ კორუფციული დარღვევების გამოვლინებამ შესაძლოა, ჩემპიონატის რუსეთიდან გადატანა გამოიწვიოს.
ცნობილია, რომ ამ დროისთვის ამერიკელი და შვეიცარიელი გამომძიებლები ფიფა-ს ფუნქციონერებს შორის კორუფციის საქმეზე გამოძიებას აწარმოებენ. შეგახსენებთ, ფიფას კორუფციული სკანდალის გამო ორგანიზაციის მაღალჩინოსნები დააკავეს, თავად პრეზიდენტი ბლატერი კი თანამდებობიდან გადადგა.