ე.წ. საქმეში ბრალდებულების ადვოკატის სოსო ბარათაშვილის თქმით, პროკურატურა იძულებული გახდა, რომ საკუთარი საჩივრისთვის გრიფი "საიდუმლო" მოეხსნა.

როგორც ადვოკატის ამბობს, ამით პროკურატურას სურს საჩივრის შინაარსი დაფაროს.

„პროკურატურა უხერხულ მდგომარეობაში ჩავარდა. ჯერ კიდევ გუშინ პროკურატურა აკეთებდა განცხადებებს, რომ სასამართლოს განჩინება საიდუმლო დოკუმენტს წარმოადგენდა. განჩინება მე ხელთ მაქვს და მას საიდუმლო გრიფი არ ადევს, უბრალოდ დოკუმენტის 1%-ია დაშტრიხული. ამ დოკუმენტს გრიფი რომ ედოს დაცვის მხარე მას ვერ მიიღებდა. ჩვენ კვლავ გვრჩება საფუძველი, ვიფიქროთ, რომ პროკურატურამ თავისი განჩინება მხოლოდ იმ მიზნით გაასაიდუმლოვა, რომ ფართო საზოგადოებისთვის უცნობი დარჩენილიყო ამ განჩინების შინაარსი. მას შემდეგ რაც ამის თაობაზე გუშინ განვაცხადეთ, პროკურატურა იძულებული გახდა სასწრაფო წესით მიემართა კონტრდაზვერვის დეპარტამენტისთვის და მოეხსნა საიდუმლო გრიფი. არაფერი საჩივარში არ წერია საიდუმლო", - განაცხადა ადვოკატმა.