ისტორიაში პირველად, ქალმა საკუთარი გაყინული საკვერცხის გადანერგვით ბავშვი გააჩინა.

ამის შესახებ ინფორმაციას „ბიბისი“ ავრცელებს.

გამოცემის თანახმად, 2014 წლის ნოემბერში ბელგიის კლინიკაში, ქალს 14 წლის წინ აღებული და გაყინული საკვერცხის გადანერგვით სრულიად ჯანმრთელი ბიჭი გაუჩნდა.

ინფორმაციის წყარი ჟურანლი Human Reproduction-ი გახდა, თავად პაციენტმა კი ანონიმურობის დაცვა გადაწყვიტა. ცნობილი გახდა, რომ ქალის საკვერცხის ქსოვილის გაყინვა მას შემდეგ გადაწყვიტეს, რაც გოგონამ ნამგლისებრუჯრედოვანი ანემიის მკურნალობა დაიწყო. მაშინ გოგონა მხოლოდ 13 წლის იყო, დიაგნოზი კი 5 წლის ასაკში ჰქონდა დასმული.

გოგონა კონგოს რესპუბლიკაში ცხოვრობდა. ექიმებმა ავადმყოფობისგან განსაკურნებლად ძვლის ტვინის გადანერგვის გადაწყვეტილება მიიღეს, რომლისთვისაც ქიმიოთერაპიის კურსის გავლა იყო აუცილებელი, რათა გოგონას ორგანიზმს უცხო სხეულთან შეგუება არ გაჭირვებოდა. ვინაიდად, ქიმიოთერაპია საკვერცხეზე ნეგატიურად აისახება, ექიმებმა მოზარდს მარჯვენა საკვერხე და ქსოვილის ფრაგმენტები ამოკვეთეს და გაყინეს.

14 წლის შემდეგ პაციენტმა შვილის გაჩენის სურვილი გამოთქვა. ექიმებმა ქალს მისივე გაყინული საკვერცხე და სხეულის სხვა ქსოვილები გადაუნერგეს. ხუთი თვის შემდეგ ქალს ციკლი დაეწყო, რამდენიმე თვეში კი დაფეხმძიმებაც შეძლო.

ეს, საკუთარი გაყინული საკვერცხის გადანერგვით დაფეხმძიმების პირველი ფაქტია. შედარებით ხანდაზმული ქალების საკვერცხეების გადანერგვით კი სულ 40-მდე ბავშვია დაბადებული.