ექსკლუზივი: თაკო ვაშალომიძისგან: ქართველი მოდელის უარი ,,ფლეიბოის“

ექსკლუზივი: თაკო ვაშალომიძისგან: ქართველი მოდელის უარი ,,ფლეიბოის“ - ,,აქეთ დამდეს ბრალი...“

შოუ ბიზნესი - 18:07, 10 Jun, 2015

8091

„ფლეიბოის წარმომადგენელთა ყკმაყოფილება და გაკვირვება ნამდვილად არ მაღელვებს, მთავარია მე ვარ კმაყოფილი და ბედნიერი“ - განუცხადა თამუნა ვაშალომიძემ „ნიუპოსტს“.
კიევიდან დაბრუნებული „ფლეიბოის“ მოდელი როგორც გავიგეთ „ფლეიბოის“ გარეშე დარჩა. მოდელის თქმით, ჟურნალში გადაღებაზე უარი თავადვე განაცხადა და ეს შეცვლილმა კონტრაქტმა და სხვა პირობებმა განაპირობა. თამო ვაშალომიძემ „ნიუპოსტთან“ „ფლეიბოიზე“, კიევურ დახვედრაზე და სამომავლო გეგმებზე ისაუბრა...

თამო ვაშალომიძე: ჟურნალმა XXL ბევრად უკეთესი გარემო და პირობები შემომთავაზა. ეს ამერიკული ჟურნალია, თავისი ქსელი სხვა და სხვა ქვეყანაში აქვს, მათ შორის უკრაინაშიც. რუსული და უკრაინული შოუბიზნესიდან ცნობილებს იღებენ. მე ვარ ერთადერთი ქართველი მოდელი, რომელსაც არავინ იცნობს საქართველოს გარდა და ამ ჟურნალის ყდაზე მოვხვდი. აგვისტოს ნომერში ვიქნები. მე სადაც კომფორტულად დამხვდნენ, სადაც თბილად მიმიღეს იმ ჟურნალში გადავიღე.

რუსები კი ძალიან ცივად დამხვდნენ. 15 - 20 დღე უნდა ყოფილიყო გადაღება და როგორ თუ ამდენი დრო არ გაქვსო. ისე გამოვიდა აქეთ მდებდნენ ბრალს, თითქოს ვეტენებოდი გადამიღეო. ამ დროს დამირეკა უკრაინის fashion week-ის ორგანიზატორმა და შემომთავაზა ახალი ჟურნალი, XXL -ის რედაქტორს უნდა შენთან გასაუბრებაო.
გარდა იმისა, რომ ძალიან ცნობილი ჟურნალია, შემხვდნენ ძალიან თბილად და ყურადღებით. ამას კი ჩემთვის, უცხო ქვეყანაში მყოფისთვის, ძალიან დიდი მნიშვნელობა ჰქონდა, თან ვიქნები გარეკანზე, დამეთმობა შიდა 4 ფურცელი, დაიწერება ჩემს შესახებ ვრცელი ინტერვიუ, უკრაინაში მიმიწვევენ Fashion TV, რადგან საქართველოში არ გამოდის ეს ჟურნალი მჩუქნიან 300 ცალს. თანხასაც ძალიან კარგად მიხდიან, უბრალოდ კონტრაქტის თანახმად არ მაქვს იმის უფლება რომ დავასახელო, ვიტყვი მხოლოდ ერთს, იგივეა, რაც ფლეიბოიმ შემომთავაზა.

30 - ში ისევ მივფრინავ უკრაინაში. ფანტასტიკური ადგილი შეარჩიეს, ძალიან დიდი სასახლეა თავისი აუზებით, და მექნება ვიდეო გადაღებები. ასევე მაქვს სხვა ჟურნალებისგანაც ძალიან საინტერესო შემოთავაზება. უკრაინა არა არის პატარა ბაზარი და ეს ყოველივე კი ძალიან დიდი წარმატებაა ჩემთვის. რადგან ბევრად უკეთესი შანსი გამომიჩნდა „ფლეიბოის“ წარმომადგენლებს ვუთხარი უარი, უკმაყოფილოდ და გაკვირვებულები შეხვდნენ ჩემს გადაწყვეტილებას. თუმცა, ეს ნამდვილად არ მაღელვებს, მთავარია მე ვარ კმაყოფილი და ბედნიერი.