ბარბადოსელი მომღერლის, რიანას პირადი ცხოვრების ირგვლილ მითქმა-მოთქმა არ წყდება. უცხოური მედია რიანასა და საფრანგეთის ეროვნული ნაკრებისა და „მადრიდის რეალის“ ფეხბურთელის, კარიმ ბენზემას რომანზე ალაპარაკდა.

პაპარაცებმა რიანა და ბენზემა ნიუ-იორკის ერთერთ წვეულებაზე ერთად დააფიქსირეს, მოგვიანებით კი წყვილი კაფეშიც შენიშნეს.

გავრცელებული ინფორმაციით, ახალი ვარსკვლავური რომანი 2014 წელს დაიწყო. მსოფლიო ჩემპიონატის მსვლელობისას საფრანგეთის ეროვნული ნაკრები გერმანიასთან დამარცხდა. ბარაბდოსელმა მომღერალმა კი „ტვიტერზე“ ბენზემას გასამხნევებლი პოსტი დაწერა.

„კარიმ ბენზემა, ვიზიარებ შენს ტკივილს“ - დაპოსტა რიანამ. რასაც ფეხბურთელი საკუთარ გვერდზე გამოეხმაურა - „ტკივილის გარეშე, გამარჯვება არ იქნება,რიანა. მადლობა მხარდაჭერისთვის!“

გავრცელებულ ინფორმაციასთან დაკავშირებით კომენტარს ჯერჯერობით არცერთი მათგანი არ აკეთებს.