ლაშა მახარაძის მკვლელობაში ბრალდებული გიორგი ოქროპირიძე მოითხოვს, რომ მისი საქმე ნაფიცმა მსაჯულებმა განიხილონ.

ამის შესახებ „ოქრიკამ“ საქალაქო სასამართლოში მიმდინარე პროცესზე განაცხადა, სადაც ნაფიც მსაჯულების შემადგენლობის შერჩევა მიმდინარეობს.

„მოვითხოვ, ნაფიცებმა განიხილონ ჩემი საქმე. რაც შეეხება ლაშა მახარაძის დედის, ნინო დიდებულიძის ხელმოწერებს, ოქროპირიძის ბედი არ უნდა წყდებოდეს მრგვალ ბაღში გამართულ აქციებზე",-განაცხადა ოქროპირიძემ.

შეგახსენებთ, ცოტა ხნის წინ პროკურატურამ სასამართლოს საქმიდან ნაფიც მსაჯულთა აცილების შუამდგომლობით მიმართა, თუმცა მოსამართლემ აღნიშნული შუამდგომლობა არ დააკმაყოფილა.