დიდი ბრიტანეთის პარლამენტმა ევროკავშირის წევრობის შესახებ რეფერენდუმის ჩატარების ინიციატივას მხარი დაუჭირა . ამის შესახებ ინფორმაციას „ბიბისი“ ავრცელებს. მთავრობის მიერ მომზადებულ კანონპროექტს მხარი 544-მა დეპუტატმა დაუჭირა , შოტლანდიის ნაციონალური პარტია კი წინააღმდეგ გამოვიდა, რომელიც მიიჩნევს, რომ ევროკავშირიდან ბრიტანეთის გამოსვლა კატასტროფის ტოლფასია. შესაბამის კანონპროექტს ახლა პარლამენტის წევრთა კომიტეტმა უნდა გადახედოს.

დიდი ბრიტანეთი ევროპულ გაერთიანებას 1973 წელს შეუერთდა. ევროკავშირიდან გასვლის შესახებ რეფერენდუმის ჩატარების ინიციატივა პრემიერ-მინისტრ დევიდ ქემერონს ეკუთვნის, რომელმაც წიინასაარჩევნოდ პირობა დადო, რომ გამარჯვების შემთხვევაში რეფერენდუმი 2017 წლამდე ჩატარდება.