სოფო გორდაძეს ბრალი 239-ე მუხლის მე-2 ნაწილით გათვალისწინებული დანაშაულის ჩადენაში ედება, რაც ორგანიზებულ ჯგუფურ თავდასხმას გულისხმობს. თავად სოფო გორდაძე აცხადებს, რომ ბრალდება აბსურდულია და მის მიმართ პოლიტიკურ ზეწოლას აქვს ადგილი, რადგან პროკურატურის შთავაზებაზე, მიეცა ჩვენება სამცხე-ჯავახეთის გუბერნატორის ვალერი წიკლაურის წინააღმდეგ, არ დათანხმდა.

სოფო გორდაძის მხარდამჭერი განცხადებები რადიო ,,აფხაზეთის ხმამაც" გააკეთა. დილიდან ყველა გამოშვება სოფო გორდაძის თემით იწყებოდა, ხოლო საინფორმაციო სამსახურის უფროსმა ლაშა ბერულავამ განაცხადა, რომ სახეზეა რადიოს თანამშრომელზე პოლიტიკური ზეწოლის ფაქტი პროკურატურის მხრიდან.

,,თავისთავად ის ფაქტი, რომ ზოგიერტებს დეპუტატების ცემა 100 ლარი უჯდებათ, ხოლო უდანაშაულო სოფო გორდაძემ 2.000 ლარი გირაოს სახით უნდა გადაიხადოს არარსებული დანაშაულის გამო, უკვე მრავლისმთქმელია. იმედია, მას საბოლოო გაამართლებენ და გადახდილი თანხაც უკან დაუბრუნდება", - აცხადებს ლაშა ბერულავა.
სოფო გორდაძის საქმის განხილვა ახალციხეში 15 აპრილს ჩაინიშნა.