რუსი ოპოზიციონერის, ბორიც ნემცოვის უფროსმა ქალშვილმა, ჟანამ რუსეთი დატოვა.

ამის შესახებ გამოცემა „ნოვაია ვრემია“ გაზეთ „თაიმსზე“ დაყრდნობით წერს. გავრცელებული ინფორმაციით, ჟანა ნემცოვამ მუქარის ზარი მიიღო, რის შემდეგაც ქვეყნის დატოვება გადაწვიტა. გამოცემის თანახმად, ნემცოვამ განაცხადა, რომ ვინც რუსეთის ხელისუფლებას აკრიტიკებს საფრთხის ქვეშ იმყოფება.

შეგახსენებთ, ნემცოვა მამის მკვლელობაზე პასუხისმგებლობას ვლადიმერ პუტინს აკისრებს.

რუსი ოპოზიციონერი ბორის ნემცოვი, 27 თებერვალს კრემლთან ახლოს ხიდზე მოკლეს. პოლიციამ, მკვლელობაში ეჭვმიტანილი 5 ადამიანი დააკავა. ერთერთმა ეჭვმიტანილმა, ზაურ დადაევმა აღიარებითი ჩვენებაც მისცა და განაცხდა, რომ ნემცოვი მუჰამედ წინასწარმეტყველის შესახებ ნეგატიური განცხადებების გაკეთებისა და "შარლი ებდო-ს" კარიკატურების მხარდაჭერის გამო მოკლა. მოგვიანებით, მან ჩვენება შეცვალა, დანაშაული უარყო და განაცხადა, რომ წინასწარ გამზადებულ ჩვენებაზე ხელი მოწერა აიძულეს.