რუსეთის პრეზიდენტმა, ვლადიმერ პუტინმა იტალიურ გამოცემა Corriere della Sera-სთან ინტერვიუში უკრაინის კონფლიქტსა და რუსეთის წინააღმდეგ დაწესებულ სანქციებზე ისაუბრა.

მისი თქმით, რუსეთი მინსკის სამშვიდობო ხელშეკრულების შესრულებით არის დაინტერესებული და ამისთვის ყველაფერს აკეთებს, თუმცა მთავარი პრობლემა უკრაინის ხელისუფლებაში მდგომარეობს, რომელსაც აღმოსავლეთ რეგიონის რესპუბლიკების წრმოამდგენლებთან დიალოგი არ სურთ.

„ამ სიტუაციაში გავლენის მოხდენა მხოლოდ ჩვენს ევროპელ და ამერიკელ პარტნიორებს შეუძლიათ. ჩვენ არ უნდა გვემუქრებოდნენ სანქციებით, რადგან ჩვენ არაფერ შუაში ვართ. ჩვენ მხოლოდ ამ ხელშეკრულების რეალიზაცია გვინდა“ - განაცხადა ვლადიმერ პუტინმა.

ვლადიმერ პუტინმა კომენტარი რუსეთის მხრიდან მომავალ შესაძლო საფრთხეზეც გააკეთა და აღნიშნა, რომ მხოლოდ ავადმყოფ ადამიანს შეუძლია წარმოიდგინოს, რომ რუსეთი ნატოს თავს დაესხმება.