სასამართლოს გადაწყვეტილება არის სამართლიანი და კანონიერი-"საია" კაბელების საქმეზე

სამართალი - 16:38, 06 Jun, 2015

1392

საქართველოს ახალგაზრდა იურისტთა ასოციაცია მიესალმება თბილისის საქალაქო საამართლოს მოსამართლის მიერ მიღებულ გადაწყვეტილებას, რომლის მიხედვითაც პროკურატურის უმთავრესი მტკიცებულება ბათილად იქნა ცნობილი.

„საიას“ მიერ გავრცელებულ განცხადებას „ნიუპოსტი“ უცვლელად გთავაზობთ.

„საქართველოს ახალგაზრდა იურისტთა ასოციაცია მიესალმება თბილისის საქალაქო სასამრთლოს 5 ივნისის განჩინებას თავდაცვის სამინისტროს დაკავებული მაღალჩინოსნების, ე.წ. “კაბელების” საქმესთან დაკავშირებით.

2015 წლის 05 ივნისს თბილისის საქალაქო სასამართლოს სისხლის სამართლის კოლეგიის მოსამართლემ გაიზიარა დაცვის მხარის შუამდგომლობა და დაუშვებლად ცნო ბრალდების მხარის უმთავრესი მტკიცებულება - ექსპერტიზის დასკვნა.

ვფიქრობთ, რომ სასამართლოს ეს გადაწყვეტილება არის სამართლიანი, კანონიერი და დასაბუთებული. ამასთან, ბრალდების მხარის უმთავრესი მტკიცებულების დაუშვებლად ცნობით, სასამართლომ სერიოზული კითხვის ნიშნის ქვეშ დააყენა ბრალდების დასაბუთებულობა და უტყუარობა, რაზეც დაცვის მხარე აღნიშნული პირების დაკავების მომენტიდან აღნიშნავდა,“-ნათქვამია "საიას" მიერ გავრცელებულ განცხადებაში.

დეტალური ინფორმაცია იხილეთ მოცემულ ბმულზე https://gyla.ge/geo/news?info=2509