უკრაინის პრეზიდენტის, პეტრო პოროშენკოს განცხადებით, დონბასის გამოყოფასთან დაკავშირებით რეფერენდუმის ჩატარება გამორიცხულია.

„დონბასის გამოყოფის შესახებ კითხვა - პროვოკაციაა. მე, როგორც პრეზიდენტი, როგორც უმაღლესი მთვარსარდალი და როგორც კონსტიტუციის დაცვის გარანტი უკრაინის ტერიტორიული მთლიანობის გარანტიც ვარ. დონბასის გამოყოფის შესახებ რეფერენდუმის ჩატარებას არასოდეს დავუშვებ. დონბასი ყოველთვის დარჩება უკრაინის შემადგენლობაში“ - განაცხადა უკრაინის პრეზიდენტმა პრესკონფერენციაზე.

რაც შეეხება ადგილობრივ ხელისუფლებას, პოროშენკოს თმით, თუკი საკონსტიტუციო ცვლილები საჭირო იქნება, ის ამისთვის მზად არის.