აზერბაიჯანში, ბაქოს მახლობლად, საბუნჩუს რაიონში სასტიკი მკვლელობა მოხდა. 27 წლის დედამ საკუთარი შვილები მოკლა. აზერბაიჯანული მედიის ინფორმაციით, ნასიბ გულიევმა ორი მცირეწლოვანი ბავშვი - 3 წლის აიანი და 10 თვის აიშა გაგუდა, შემდეგ კი თავის მოკვლის მიზნით მკერდის არეში რამდენიმე ჭრილობა მიიყენა. კრიტიკულ მდგომარეობაში მყოფი გულიევი საავადმყოფოში გადაიყვანეს.

წინასწარი ინფორმაციით, ქალს ფსიქიური აშლილობა აღენიშნებოდა. გამოძიების ინფორმაციით, მათ ქალის მიერ დატოვებული წერილი აღმოაჩინეს, რომელიც ბავშვების მკვლელობამდეა დაწერილი. „დავიღალე და აღარ მსურს ცხოვრების გაგრძელება. არ მინდა ჩემი შვილები ვინმეს დავუტოვო, ამიტომაც მივდივარ სატანის გზაზე“ - ნათქვამია წერილში.

აღნიშნულთან დაკავშირებით სისხლის სამართლის გამოძება დაიწყო. ქალის მეუღლის განცხადებით, სამუშაო რეჟიმის გამო ის სახლში ხშირად არ იმყოფებოდა, რის გამოც ცოლი ეჭვიანობდა და მას გამუდმებით ურეკავდა.

„გარდა ამისა, ჩვენს ოჯახში სხვა პრობლემა არ არსებობდა“ - განაცხადა მამაკაცმა, რომელიც შემთხვევის შედეგად მიღებული შოკის გამო ექიმების მეთვალყურეობის ქვეშ იმყოფება.