FIFA-ს ირგვლივ სკანდალები არ წყდება.

ორგანიზაციის წინააღმდეგ დაწყებული გამოძიების შედეგად ახალი დეტალები გამოიკვეთა. FIFA-მ ირლანდიის ფეხბურთის ასოციაციას 5 მილიონი ევრო გადაუხადა, რათა 2010 წლის მსოფლიო ჩემპიონატის საკვალიფიკაციო მატჩის გამო დუბლინს ასოციაციისთვის სასამართლოში არ ეჩივლა. ამის შესახებ ასოციაციის პრესსამსახური იყობინება.

საქმე 2010 წლის მსოფლიო ჩემპიონატის შესარჩევი ტურის ირლანდია-საფრანგეთის მატჩს ეხება. შეხვედრაში გადამწყვეტი გოლი ფრანგმა ფეხბურთელმა, ტიერი ანრიმ ხელით გაიტანა, რაც წესების უხეში დარღვევაა. შედეგად საფრანგეთმა გამარჯვება მოიპოვა, ირლანდია კი ჩემპიონატს გამოეთიშა. დუბლინი ამის გამო ჩივილს აპირებდა, თუმცა ფიფა-მ „კომპმენსაცია“ გადაიხადა და ამით სასამართლო თავიდან აიცილა.

შეგახსენებთ, 27 მაისს ფიფას ოფიციალური პირები შვეიცარიის პოლიციამ ციურიხის ერთ-ერთ სასტუმროში თაღლითობისა და ფულის გათეთრების ბრალდებით დააკავა. დაკავებულ მაღალჩინოსნებს შორის არიან ორგანიზაციის ვიცე-პრეზიდენტები - ჯეფრი ვები და ეუხენიო ფიგრედო. ასევე კოსტა რიკას ფეხბურთის ფედერაციის ხელმძღვანელი, ედუარდო ლი და ბრაზილიის ფეხბურთის ფედერაციის პრეზიდენტი, ხოსე მარია მარინი.

გავრცელებული ინფორმაციით, მათ 1990-იან წლებში ლათინურ ამერიკაში ფეხბურთის ჩემპიონატებისთვის 100 მლნ დოლარის ოდენობის ქრთამი აიღეს. ამავდროულად, შვეიცარიული გამოძიება 2018-2022 წლების ჩემპიონატების ჩატარების ადგილების არჩევის საკითხითაც დაინტერესდა. შეგახსენებთ, ჩემპიონატების ჩატარების ადგილად რუსეთი და ყატარი შეირჩა.

FIFA-ს ყოფილმა ვიცე-პრეზიდენტმა, ჯეკ უორნერმა განაცხადა, რომ ჩვენების მისაცემად მზად არის და ორგანიზაციაში არსებული კორუფციის შესახებ ყველაფერს მოყვება. მან ასევე აღნიშნა, რომ შესაძლო თავდასხმის ეშინია. იორნერი ტრინიდადი და ტობაგოს პოლიციას თავად ჩაბარდა, მას შემდეგ რაც კორუფციაში მონაწილეობის ბრალდებით მასზე ძებნა გამოცხადდა. თუმცა სასამართლომ გირაოთი გაათავისუფლა.

აღსანიშნავია, რომ ფიფა-ს ყოფილმა მაღალჩინოსანმა, ორგანიზაციის ყოფილმა გენერალურმა აღმასრულებელმა მდივანმა სამხრეთ და ცენტრალური ამერიკის ქვეყნებსში, ჩაკ ბლეიზერმა აღიარა, რომ მან და კომიტეტის სხვა აღმასრულებელმა პირებმა 2010 წელს მსოფლიო ჩემპიონატის ჩატარების ადგილად სამხრეთ აფრიკის არჩევის სანაცვლოდ ქრთამი აიღეს.