კანადის პრემიერ-მინისტრის, სტივენ ჰარპერის განცხადებით, სანამ რუსეთის პრეზიდენტი ვლადიმერ პუტინი იქნება, რუსეთი „დიდი რვიანის“ სამიტს ვერ დაუბრუნდება.

ამის შესახებ ჰარპერმა Associated Press-თან მიცემულ ინტერვიუში განაცხადა. კანადის პრემიერი იმედოვნებს, რომ პუტინი ვერასოდეს მიიღებს ახლა უკვე „დიდი შვიდიანის“ სამიტებში მონაწილეობას.

„კანადა კატეგორიულად ეწინააღმდეგება ამ მაგიდასთან პუტინის ჯდომას. რუსეთი ძალიან ხშირად შეგნებულად ხდება სტრატეგიული კონკურენტი და ხელს უშლის სასარგებლო ინიციატივებს, რომლის განხორციელებასაც ჩვენ ვცდილობთ“ - განაცხადა ჰარპერმა.

G7-ის სამიტი 7-8 ივნისს ბავარიაში გაიმართება.

„დიდი რვიანიდან“ რუსეთი აღმოსავლეთ უკრაინის კონფლიქტის გამო გარიცხეს.

2014 წლის მარტში, ყირიმის მოვლენების გამო აშშ-ის, ბრიტანეთის, საფრანგეთის, გერმანიის, იაპონიის, იტალიისა და კანადის ლიდერები, 1996 წლის შემდეგ პირველად რუსეთის გარეშე შეიკრიბნენ.