დაანონსებული 19 აპრილის თეზისები

პოზიცია - 16:52, 21 Feb, 2013

4026

მაგრამ, მაქვს შეკითხვა ნაცმოძრაობის ლიდერებთან და მათ აქტივისტებთან

იმ ქვეყანაში, სადაც რუსეთის ბაზრის გახსნას სულმოუთქმელად ელიან,
იმ ქვეყანაში, სადაც სტალინს პარაკლისს უხდიან და ძეგლებს უდგამენ,
იმ ქვეყანაში, სადაც მიესალმებიან რკინიგზის გახსნას ოკუპირებულ რეგიონის გავლით,
იმ ქვეყანაში, სადაც ჩახალიანს და მისთანებს უშვებენ,
იმ ქვეყანაში, სადაც რუსეთის სასარგებლოდ საქართველოს საწინაღმდეგო ქმედებებში დამნაშავე პირებს პოლიტპატიმრის სტატუსს ანიჭებენ და ხალხი დუმს,

და ასე შემდეგ და ასე შემდეგ,

რომელ დეოკუპაციასა და რუსეთის საფრთხის წინააღმდეგ მიმართულ მოძრაობაზეა საუბარი?

ან ვინ უდგას ამას სათავეში? ის პარტია, რომლის მოშორებაც ხალხს ახარებდა? ის ხალხი, რომელთაც ადანაშაულებენ 9 წლიან წამებაში?
რა ან ვინ უნდა იქცეს კატალიზატორად?
აპრილში აქვს პრეზიდენტს უფლება, დაითხოვოს პარლამენტი.
ანუ სანამ ჩატარდება საპრეზიდენტო არჩევნები, იქამდე 6 თვით ადრე.

,,ოცნების“ ნაბიჯების მიხედვით, ის არის პრორუსული ხელისუფლება, ამ დროს ,,ნაცმოძრაობა“ აწყობს გრანდიოზულ მიტინგს, საბაბით- ოკუპაცია და რუსეთის საფრთხე, ანუ პროდასავლურობა.
ამ დროს, რას მოიმოქმედებს შსს და ახალი მთავრობა? ყველანაირად შეეცდება, არ ჩატარდეს გრანდიოზულად ეს მიტინგი, მცირე მასშტაბები თავად მთავრობას აწყობს, რომ ხალხს დაანახონ- აგერ, ნაცებს რა ცოტანი უჭერენ მხარსო, მაგრამ აი, რამდენიმეათასიანი კი არ აწყობს.
,,ნაცმოძრაობის“ ლიდერებმა იციან, რომ მთავრობაში არაპროფესიონალები არიან, ანუ მათ არ აქვთ სახელმწიფოს მართვის გამოცდილება, ხოდა, სანამ ისინი ამ გამოცდილებას მიიღებენ, საჭიროა ზომების მიღება, იციან, რომ ისინი 19 აპრილამდე აუცილებლად დაუშვებენ შეცდომას და არა ერთს, არამედ რამდენიმეს.
მოკლედ, შეიძლება მთავრობის დათხოვნის საბაბის სცენარი თამაშდებოდეს, მაგრამ ამავე დროს არ გამოვრიცხავ, რომ ემზადებიან საპრეზიდენტო არჩევნებისათვისაც.
,,ოცნება“- იმის გამო რომ ვერ შეკრიბა საკონსტიტუციო უმრავლესობა ცვლილებების გასატარებლად, ამას ერთვის ეს განცხადება, ანუ სიგნალი, რომ ,,ნაცმოძრაობ“ა ერთვება ფაქტიურად წინასაარჩევნო კომპანიაში და ,,ოცნებას“ ცეცხლზე ნავთს უსხავს, რადგან პირდაპირ მიუთითა, რომ იწყებს აგრესიულ კამპანიას, აუცილებლად დაიწყებს საპასუხო ნაბიჯების გადადგმას. თუ გავითვალისწინებთ ,,ოცნების“ მთავრობის მიერ დაშვებული შეცდომების კასკადს, ანუ მათივე განცხადებების შემდგომ უარყოფას, ,,ნაცმოძრაობას“ აქვს იმედი, რომ ,,ოცნება“ აუცილებლად დაუშვებს შეცდომას.

,,ოცნებამ“ აუცილებლად უნდა დაიყვანოს ეს ,,ნაცმოძრაობის“ აქცია მინიმუმამდე. შეიძლება, ,,ნაცებს“ ბევრი მხარდამჭერები არ ჰყავს, მაგრამ სიმართლე ისაა, რომ მეტი ეშმაკობა და მეტი ინტელექტი აქვთ.
ანუ ,,ნაცმოძრაობა“ ითამაშებს არა ხალხის სიმრავლეზე და აქტიურობაზე, არამედ ,,ოცნების’ ნაბიჯებზე და შეცდომებზე.
გავითვალისწინოთ ,,ოცნების“ მთავრობის კრიტიკა დასავლეთისა და ამერიკის მხრიდან. თან რუსეთის ქმედებებსაც დავუკვირდეთ, ანუ ის რომ აფხაზეთ-სამაჩაბლოს აღიარებას უკან წაიღებს რუსეთი, ის, რომ რუსეთმა არაერთმნიშვნელოვნად განაცხადა, რომ არა ბიძინას და ვტო-ს დამსახურებაა ქართული პროდუქციის რუსულ ბაზარზე დაბრუნება, არამედ ჩვენი კეთილი ნებააო.

ბევრი ფაქტორია, რაც ნაცმოძრაობას წისქვილზე ასხავს წყალს და ალბათ, ბევრიც მიემატება 19 აპრილამდე.
ამ აქციით ,,ნაცმოძრაობა“ ცდილობს ,,ოცნებას“ ჩამოაცილოს ის მხარდამჭერები, რომლებიც პროდასავლეთელებად თვლიან თავს.
,,ნაცებმოძრაობის“ წევრები თუ მხარდამჭერები ჯერ კიდევ 1 თვის უკან აკეთებდნენ აქცენტს აპრილზე, აპრილის დიდი შიში აქვს ოცნებას, შიშს კი დიდი თვალები აქვს, შიში ბევრ შეცდომას დაგაშვებინებს.
ძალიან ბევრი აზრი, თუ ხედვა იქნება ამ აპრილთან დაკავშირებით, მაგრამ რეალურად, რატომ აპრილი და რატომ 19, ალბათ მარტო ვანო მერაბიშვილმა უწყის.